اوجاع بنت مصرية

فيه موضوع بجد نفسى اتكلم عنه بما انى بنت مصرية او بمعنى اصح بنت شرقية ان البنت فى مجتمعنا لسة مش واخدة حقها كامل وخاصة فى بعض المناطق لسة بيعاملو البنت على انها عار طب ليه البنات برضه بنى ادمين ليه بيتعاملو كدة فى مجتمعنا والبنت لو مشت فى الشارع لازم كل واحد يبدا يغلس عليها ويرمى كلا مالوش لازمة ولو اتكلمت وزعقتله الناس بتغلطها ولو واحد حاول انه يتحرش بيها وصدته الناس مش بتقف معاها بالععيب الكل بيقف ضدها ويتهمها انها مش محترمة وماشية تغرى الشباب تقدر تقولى ايه الاغراء فى بنت محجبة ولابسة طويل وماشية بتفكر فى مستقبلها وييجى شخص حقير يدمر مستقبلها فى لحظة وعلى مراى ومسمع من الناس ليه علشان بلدنا عايشة على مبدا واحد اى حد نيجى تكلمه يفولك ياعم كبر هنكبر لحد امتى مش فاهمة انا هنفضل كدة لحد امتى لحد الكل بيسال ليه حلات الغتصاب والتحرش انتشرت عارفين ليه لاننا بنربى الولد من صغره ان البنت دى كائن حقير عبد ليه وانه من حقه انه يهينه زى ماهو عاوز ولما يعمل كدة يبقى راجل ولو عمل غير كدة يبقى مش راجل لا لازم نغير اسلوب التربية دا لازم الولد يعرف ان البنت دى اخته وامه ومراته وبنته الى لازم يحافظ عليها ويدافع عنها ةساعتها بس هنتقدم لو كل واحد عرف حقوقه وواجباته هنبقى احسن بلد ويلا اسيبكم بقى انا عارفة انى رغاية سلام ياجماعة